ଶ୍ରୀମଦ୍ ଭଗବଦ୍ ଗୀତା ଓ ନାଟ୍ୟଶାସ୍ତ୍ରକୁ ୟୁନେସ୍କୋ ସମ୍ମାନ
ବିଶ୍ବ ଐତିହ୍ୟ ଦିବସରେ ଭାରତର ଅନନ୍ତ ଜ୍ଞାନ ଓ ସମୃଦ୍ଧ ସଂସ୍କୃତିକୁ ମିଳିଛି ଆନ୍ତର୍ଜାତିକ ସ୍ୱୀକୃତି । ଗୀତା ଓ ଭରତ ମୁନିଙ୍କ ନାଟ୍ୟଶାସ୍ତ୍ର ୟୁନେସ୍କୋର ମେମୋରୀ ଅଫ୍ ଦି ୱାର୍ଲଡ ରେଜିଷ୍ଟରରେ ସାମିଲ ହେଲା । ଭାରତୀୟ ସଭ୍ୟତା ପାଇଁ ଏହା ଐତିହାସିକ ମୁହୂର୍ତ୍ତ ବୋଲି ଏକ୍ସ ପୋଷ୍ଟରେ ଲେଖିଛନ୍ତି ପ୍ରଧାନମନ୍ତ୍ରୀ ମୋଦି । ଗୀତା ଓ ନାଟ୍ୟଶାସ୍ତ୍ର ବହୁ ଶତାବ୍ଦୀ ଧରି ଭାରତୀୟ ଚେତନାକୁ ପ୍ରକାଶ କରିବା ସହ ଭାରତୀୟ ଅନ୍ତର୍ଦୃଷ୍ଟିକୁ ପ୍ରେରଣା ଯୋଗାଉଛି ବୋଲି ଲେଖିଛନ୍ତି ପିଏମ। କେନ୍ଦ୍ର ସଂସ୍କୃତି ଏବଂ ପର୍ଯ୍ୟଟନ ମନ୍ତ୍ରୀ ଗଜେନ୍ଦ୍ର ସିଂହ ଶେଖାୱତଙ୍କ ସମେତ ବହୁ କେନ୍ଦ୍ରମନ୍ତ୍ରୀ ଖୁସି ବ୍ୟକ୍ତ କରିଛନ୍ତି।
A proud moment for every Indian across the world!
— Narendra Modi (@narendramodi) April 18, 2025
The inclusion of the Gita and Natyashastra in UNESCO’s Memory of the World Register is a global recognition of our timeless wisdom and rich culture.
The Gita and Natyashastra have nurtured civilisation, and consciousness for… https://t.co/ZPutb5heUT
ୟୁନେସ୍କୋର ମେମୋରୀ ଅଫ୍ ଦି ୱାର୍ଲଡ ରେଜିଷ୍ଟରରେ ସ୍ଥାନିତ
ଚଳିତବର୍ଷ ୭୨ଟି ଦେଶ ଓ ୪ଟି ଆନ୍ତର୍ଜାତିକ ଅନୁଷ୍ଠାନର ମୋଟ ୫୭୦ଟି ପ୍ରାଚୀନ ପାଣ୍ଡୁଲିପି ୟୁନୋସ୍କୋ ରିଜେଷ୍ଟରରେ ସ୍ଥାନିତ ହୋଇଛି । ଗୀତା ଓ ନାଟ୍ୟଶାସ୍ତ୍ର ସ୍ଥାନିତ ହେବା ସହ ମେମୋରୀ ଅଫ୍ ଦି ୱାର୍ଲଡ ରେଜିଷ୍ଟରରେ ପ୍ରାଚୀନ ଭାରତୀୟ ପାଣ୍ଡୁଲିପି ସଂଖ୍ୟା ୧୪କୁ ବୃଦ୍ଧି ପାଇଛି । ଏହି ଅନନ୍ତ କୃତି ଗୁଡ଼ିକ କେବଳ ସାହିତ୍ୟିକ ସମ୍ପଦ ନୁହେଁ ବରଂ ଭାରତର ଦାର୍ଶନିକ ସମ୍ପତ୍ତିର ମୂଳଭିତ୍ତି, ଯାହା ଭାରତର ଦୃଷ୍ଟିକୋଣ ବିଶ୍ବବାସୀଙ୍କୁ ଶାନ୍ତିର ମାର୍ଗ ଦେଖାଇଛି । ଏହି ପ୍ରାଚୀନ ପ୍ରମାଣସିଦ୍ଧ ଜ୍ଞାନର ଭଣ୍ଡାର ଆଜିବି ଭାରତୀୟଙ୍କ ଚିନ୍ତା, ଅନୁଭବକୁ ପ୍ରଭାବିତ କରିବା ସହ ସରଳ ଜୀବନଯାପନ ପାଇଁ ପ୍ରେରଣା ଯୋଗାଉଛି ।
(2/2)#HeritageOfIndia #UNESCO #CultureUnitesAll pic.twitter.com/fN219Umyu6
— Amrit Mahotsav (@AmritMahotsav) April 18, 2025
ଭାରତର ସାଂସ୍କୃତିକ ଓ ଦାର୍ଶନିକ ଐତିହ୍ୟକୁ ଐତିହାସିକ ସ୍ୱୀକୃତି
ବିଶ୍ବ ଐତିହ୍ୟ ଦିବସରେ ଏପ୍ରିଲ ୧୮ ତାରିଖରେ ଭାରତରେ ଥିବା ୪୩ଟି ପ୍ରସିଦ୍ଧ ଐତିହ୍ୟ ସ୍ଥଳ ସମେତ ମୋଟ ୩,୬୯୮ଟି ସ୍ମାରକ ଓ ଐତିହ୍ୟସ୍ଥଳକୁ ନିଶୁଳ୍କ ପ୍ରବେଶ ଘୋଷଣା କରିଥିଲା ଏଏସଆଇ । ସାଂସ୍କୃତିକ ଓ ଐହିତ୍ୟର ସଂରକ୍ଷଣ ଉଦ୍ଦେଶ୍ୟରେ ପ୍ରତିବର୍ଷ ୧୮ ଏପ୍ରିଲକୁ ୱାଲ୍ଡ ହେରିଟେଜ ଡେ ବା ବିଶ୍ବ ଧରୋହର ଦିବସ ଭାବେ ପାଳନ କରାଯାଉଛି । ଚଳିତବର୍ଷ ବିଶ୍ବ ଐତିହ୍ୟ ଦିବସର ଥିମ ରହିଥିଲା ଐତିହ୍ୟ ସ୍ଥଳ ଉପରେ ପ୍ରାକୃତିକ ବିପଦ ଓ ସଂଘର୍ଷର ସଙ୍କଟ ।
